في الفترة اللي كنت فيها أجهز شنطة المستشفى للولادة وترتيبات الاستقبال كان من ضمن الترتيبات اللي نويت عليها توزيعات للزوار ..
بحثت عن شي بسيط وبنفس الوقت راح يستخدم ويستفاد منه لكن ما لقيت شي ممتاز ونفس اللي في بالي  ..

 في النهاية غيرت الفكرة ككل لاني حسيتها شكل من اشكال البهرجة او البذخ اللي ماله لزوم وفكرت تصير شي أنفع فبدل ما تكون للزوار راح تكون للمرضات و العاملات في المستشفى..

طبعا أغلبهم غير مسلمات ففرصه ندعوهم للاسلام بطريقة غير مباشرة


جهزت هدية جدا بسيطة:

كوب غلفته بطريقة جميلة بداخله شوكلاته ونشرة عن الاسلام باللغة الانجليزية وعبارة "شكرا على لطفك" :






على بساطتها جدا فرحوا فيها   
سويت منها 6 حبات وتمنيت إني مسوية أكثر ما توقعت راح أصادف كثير ممرضات وعاملات   ..




فيه فئات عندنا (مثل العمال السواويق الخادمات الممرضات الفراشات ..الخ) من خلال أعمال بسيطة راح ندخل السرور عليهم " أحب الأعمال إلى الله سرور تدخله على مسلم" ، وإذا هم غير مسلمين نعرفهم ونرغبهم بالدين لعل الله يشرح صدورهم للإسلام..
وأبسط شي ممكن نسويه إبتسامة وتعامل حسن قد إيش تجيب نتيجة ونكسب بها أجر  

.........................................................


هنا رابط بالعبارة للي حاب يطبعها ويستفيد منها:

هنا:
https://drive.google.com/file/d/0B5-16DZ_D8nfNkw0UzR1X1UyS1U/view?usp=sharing



أو هنا:
https://drive.google.com/open?id=0B5-16DZ_D8nfNkw0UzR1X1UyS1U